Tafsir QS Al-A’raf:166 “YAHUDI DIKUTUK JADI MONYET”

Tafsir QS Al-A’raf:166

“YAHUDI DIKUTUK JADI MONYET”
oleh:

Alma Mahisha XII.IPA-B

 فَلَمَّا عَتَوْا عَنْ مَا نُهُوا عَنْهُ قُلْنَا لَهُمْ كُونُوا قِرَدَةً خَاسِئِينَ

“Nalika maranehna sombong kanu sagala anu dilarang, Kaula ngomongkeun ka maranehna: Jadilah maraneh monyet anu hina!”

Sateuacanna, abdi bade naros. Naha rekan RG-UG percanten kanu disebat “kutukan”? panginten diantawis rekan RG-UG nyangki yen anu disebat kutukan teh sami sareng dongeng Malin Kundang anu dikutuk jadi batu ku indungna.

Saleresna ayat tadi teh ngajelaskeun yen dina Al-Quran oge aya carita ngeunaan jalmi anu dikutuk ku Allah jadi monyet oge dihina. Ayat eta teh nyaritakeun ngeunaan bangsa Yahudi anu hirup jauh sateuacan Nabi Muhammad SAW lahir.

Para mufasir eta nyebatkeun yen kajadian eta teh nimpa masarakat di hiji desa, anu nami desa na ti sababaraha riwayat teh benten-benten. Ibnu Abbas nyebatkeun nami desa na Aylah, tapi dina riwayat anu sanes anjeunna nyebatkeun Madyan. Sedengkeun Az-Zuhri nyebatkeun nami desa na nyaeta Thobariyyah. 

Masarakat Yahudi anu tadi hirupna teh di basisir anu padamelan sadidintenna janten nalayan. Alllah ngalarang maranehna pikeun ngala lauk di poe Saptu, sabab poe Saptu pikeun Ibadah. Hiji saat Allah Nguji bangsa Yahudi eta ku cara dina poe Saptu teh laukna seueur pisan, tapi dina poe-poe sejenna lauk teh teu aya. Ku sabab eta sabagian ti masarakat Yahudi eta migawe kalicikan, nyaeta maranehna masang kecrik dina poe Juma’ah sore, jadi pas poe Saptu maranehna angger ibadah, lajeng dina poe Minggu kakara kecrik anu geus pinuh ku lauk teh ku maranehna dibawa. Allah nganggap pagawean maranehna eta teh mangrupakeun larangan anu dilanggar. Ku sabab eta Allah Ngutuk maranehna jadi monyet. 

Aya sababaraha pendapat ti ulama Tafsir, aya nu nyebatken saatos jadi monyet, bangsa Yahudi maot jeung binasa, aya oge anu nyebatkeun yen ku kawasaan Allah maranehna balik deui ka wujud asalna.Nu jelas mah monyet-monyet anu tadi teh teu aya katurunan dugi ka ayeuna. Jeung nu pasti teu sadayana bangsa Yahudi dikutuk jadi monyet. 

Ku kituna, urang kudu syukur jeung menta ditunjukkeun jalan anu lurus ka Allah SWT.